Davant il guaud sur Versomi èn sa rimnadas var 15 persunas, tut las egliadas sa drizzan sin il manader dal seminari. Igl è il segund di dal seminar da chauns da salvament, al qual che fan part teams da chauns da tut la Svizra. Tranter els è er il president da l'uniun «Personenspürhunde» Engiadina, Duri Schwenninger. Il trenament vegnia fatg uschè realistic sco pussaivel, declera el.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Il trenament è construì uschia che mintga chaun tschertga persul ina poppa, in uschè numna «dummy». L'emprim è Shiva vidlonder, in chaun stgir cun pail lung ed ina clocca enturn culiez.
Nus avain in «dummy» cun restanzas umanas, che vegnan messas a disposiziun dals ospitals – l'odur è pia fitg realistica.
Il possessur sa gist uschè pauc sco il chaun, nua che Heinz, la poppa zuppada, giascha en il guaud. Da tschertgar ina persuna sparida saja adina ina lavur da team, declera ina participanta dal Salvament alpin svizzer: «Ti stos leger tes chaun. Sch'el sa deporta tuttenina auter, è quai in segn ch'el ha chattà insatge.»
In trenament è adina auter ch'in cas urgent, tuttina quant damanaivel da la realitad. Lavurar cun la savida ch'ins chatta ina persuna blessada u schizunt morta na saja betg adina simpel, decleran ils participants.
-
Bild 1 von 3. Quai è «Heinz», la poppa per trenar. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
«Cunzunt perquai che noss chantun è uschè pitschen, forsa enconusch'ins la persuna, quai na dastgan ins propi betg laschar vegnir memia datiers.» Tut auter è quai per ils chauns.
Il chaun na sa betg ch'el tschertga ina persuna sparida – per el èsi adina in gieu.
La finamira n'è dentant betg da chattar persunas mortas, decleran ils participants e las participantas. Ma tuttina saja impurtant da scolar chauns da salvament als morts. Il scleriment po esser gist uschè impurtant per la famiglia sco il chattar ina persuna viva.