Cura ch’i vegn pli fraid ed ils pneus d’enviern èn gia montads, lura n’èn era las serradas dals pass dal Grischun betg lunsch davent.
Serrads na vegnan ils pass betg pervi da las vias cuvertas, mabain pervi da vias ch'èn eventualmain scheladas, pervi dal privel da lavinas u er per insumma evitar privels per autos e töfs.
Per ils ulteriurs pass che restan averts èsi da planisar la rumida regulara per garantir in traffic current tant sco pussaivel.
Emprima cuverta da naiv
Auter ch'en la Bassa, nua che l'emprima naiv mesirabla vegn en media pir la fin da november, sa chatta quest termin median en il Grischun gia mez settember.
En las regiuns bassas da la Svizra dal vest e dal nordvest duri schizunt fin ils emprims dis da december.
Naiv fin venderdi saira
Dapi la gievgia en damaun naivi en quasi tut las parts dal Grischun. En intgins lieus naiva quai schizunt regularmain fin venderdi saira. En cumbinaziun cun las temperaturas pli frestgas pudess la naiv lura perfin restar in mument.
Tramettai Voss #muments da naiv per la concurrenza dal november. Cun in zic cletg datti da gudagnar in bel premi.