Siglir tar il cuntegn

Header

cuntegn

Andermatt-Sedrun Pista puspè averta suenter lavina

La pista da skis sin l'Alpsu, nua ch'ina lavina aveva sutterrà da Son Steffan sis persunas, è puspè averta. Experts da l'Arena da skis Andermatt-Sedrun han taxà la pista sco segira. Quai ha annunzià in pledader da l'Arena da skis Andermatt-Sedrun. La cuverta da naiv saja entant stabila. La polizia chantunala dad Uri è anc vid l'inquisiziun davart la lavina.

lavina.
Legenda: Il di che la pista è vegnida averta ha ina lavina sutterrà sis persunas che sa chattavan sin la pista. Duas persunas eran vegnidas blessadas levamain. Tschellas 4 eran mitschadas cun la tema. Keystone

La pista «Hinter Felli» ha il territori avert questa stagiun per l'emprima giada ils 26 da december. I sa tracta da la pista che collia ils dus territoris da skis Andermatt e Sedrun dapi l'avertura da la nova telecabina sin il Schneehüenerstock avant in onn.

Ord l'archiv

video
Lavina en il territori da skis Andermatt/Sedrun
Or da Telesguard dals 27.12.2019.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga