Reto Gurtner resta president e delegà dal cussegl d'administraziun. Cun dar giu il post da CEO, vul Gurtner dentant avair en futur dapli temp da s'occupar cun la strategia da l'interpresa. Ed en quest connex ha el menziunà plirs projects da pendicularas uschia era si da la staziun da Valendau e nà da Elm en il chantun Glaruna. Markus Wolf che surpiglia las incumbensas operativas duai cuntinuar cun la transfurmaziun da l'interpresa e far l'Arena Alva anc pli attractiva.
Il medem mument daventa er l'Arena Alva SA la nova societad da manaschi da la gruppa Arena Alva. Per quella gruppa vegnan fusiunadas las societads affiliadas: Pendicularas Arena Alva SA, Arena Alva Gastro SA, Arena Alva Leisure SA e Mountain Adventure SA.
Ord l'archiv:
Il 2018 è Reto Gurtner vegnì undrà cun il premi da la branscha dal turissem, «Milestone– Excellence in tourism» per sia ovra da la vita.
RR novitads 17:00
