Pervi d’in sbuvaditsch è la via en la Val Sumvitg vegnida serrada per tut il traffic glindesdi saira. Il sbuvaditsch ha lavà davent il fundament da la Via Val sin 15-20 meters, communitgescha il stab da crisa da Sumvitg. Qua tras na saja la stabilitad betg garantida.
Ulteriurs donns u blessads n'haja quai betg dà.
Suenter examinar l'analisa dals experts ha il stab da crisa decis da laschar serrada la via per pliras emnas. Betg cler è anc uss co ch'ils vehichels ch'èn bloccads en la val vegnan transportads or da la val e co reparar la via. Peduns pon passar il tschancun d'Acla Mulin sur la punt pendenta.
-
Bild 1 von 7. La via è serrada. Bildquelle: Thomas Hardegger.
-
Bild 2 von 7. Bildquelle: Vischnanca Sumvitg.
-
Bild 3 von 7. Bildquelle: Thomas Hardegger.
-
Bild 4 von 7. Sut quest toc – be intgins meters dasperas – è il 2017 crappa sut la via glischnada a val. Bildquelle: Thomas Hardegger.
-
Bild 5 von 7. In helicopter depona plantas cupitgadas sin la via. Bildquelle: Thomas Hardegger.
-
Bild 6 von 7. Bildquelle: Thomas Hardegger.
-
Bild 7 von 7. Peduns pon passar il tschancun d'Acla Mulin sur la punt pendenta. Bildquelle: Thomas Hardegger.
Persunas che sa chattian en Val Sumvitg davent dal Bogn Tenigia anen vegnan supplitgadas da s’annunziar tar la vischnanca.
Las proximas infurmaziuns suondan mesemna saira a las 20:00.
Avant bun 8 onns era la via stada serrada. Da lezzas uras per medemas raschuns. Quai paucs meters pli datiers dal Bogn Tenigia.
Datti bainbaud in segund tunnel?
La via en Val Sumvitg è gia ditg exponida a la natira. Uschia tranter auter era avant 45 onns – la notg sin ils 2 d'avust 1980 ha ina gronda bova sutterrà la via. Quella ha purtà il Tunnel Barschaus en la val.