Siglir tar il cuntegn

Header

video
Casatec ha blera lavur
Or da Telesguard dals 03.10.2022.
laschar ir. Durada: 2 minutas 29 Secundas.
cuntegn

Branscha da stgaudament Tut vul novas pignas

Er las cifras dal chantun conferman il trend: Bleras persunas vulan modernisar lur stgaudament. La branscha sa noda dentant en lavur – per il proxim enviern n'èsi strusch pli pussaivel da barattar la pigna.

L'onn 2021 ha il chantun survegnì 450 dumondas da barattar la pigna, quest onn èsi stà enfin uss quasi il dubel, numnadamain 750 dumondas. Per l'ina ha quai trend da barattar la pigna motivs politics. Il chantun vul vegnir davent da l'energia fossila e promova perquai dapi l'introducziun dal Green Deal persunas che barattan la pigna. Ils ultims mais è la dumonda dentant anc ina giada creschida pli fitg – sco consequenta da la guerra en l'Ucraina che ha chatschà ad aut ils pretschs d'energia.

Lavur tut a dubel

Quai munta: Ils installaturs da pignas han ils mauns plains da far – er tar la firma Casatec a Mustér. Per dumagnar tut la lavur n'han els gnanc avunda resursas.

Nus empruvain da vegnir suenter a tut ils giavischs dals clients, dentant per il mument na va quai betg.
Autur: Damian Sac Mainafatschenta Casatec

Els stoppian priorisar quels che han la pigna che na va betg ed empruvar da cuntentar uschè blers sco pussaivel.

audio
Firma Casatec ha blera lavur
ord Actualitad dals 03.10.2022.
laschar ir. Durada: 2 minutas 19 Secundas.

Ed anc sch'els avessan dapli lavurers per dumagnar la lavur, in auter dischavantatg dal boom en la branscha è ch'il material manca: «Tut quai che ha da far cun electronica e tecnica che vegn da l'Asia ha retard ed er tschertas firmas en l'Europa na vegnan betg suenter cun producir. Nus spetgain tranter 6 enfin 10 mais sin material». En il cas ideal gieva quai normalmain radund 2 mais davent da la dumonda dal client enfin la pigna installada, oz giaja quai minimum in mez onn.

RTR Telesguard 17:40

Artitgels legids il pli savens