Siglir tar il cuntegn

Header

cuntegn

Breil Helvetia Nostra fa recurs cunter resort

Sch'i va tenor ils plans da la societad simpla Ruast, alura duessi dar in segund resort turistic a Breil, sper il Pradas Resort ch'exista gia. L'organisaziun d'ambient «Helvetia Nostra» ed in'ulteriura partida fan uss recurs encunter il project.

Ils plans per il «Resort Tgariel» èn dapi in temps sin maisa. Ed ussa fan l'organisaziun d'ambient «Helvetia Nostra» ed in'autra partida recurs encunter la surbajegiada da tschintg chasas. Quai ha il confundatur da la societad Ruast, Marcel Friberg, conferma envers RTR. En las proximas emnas vegnia la societad a prender posiziun en chaussa.

Profilierung Via Tgariel Brigels
Legenda: Profils en la Via Tgariel a Breil RTR

La surbajegiada planisada avess 40 abitaziuns administradas cun 125 letgs. Il manaschi avess plinavant ina recepziun, in indriz da wellness ed in club per uffants. Terzas persunas savessan en il futur cumprar las abitaziuns ch'èn integradas en il manaschi turistic.

audio
Per tadlar: curt e cumpact
ord RTR Audio dals 05.04.2023.
laschar ir. Durada: 1 minuta 9 Secundas.

RTR novitads 17:00

Artitgels legids il pli savens