Dals 28 enfin ils 31 d'october organisescha l'Uniun chantunala Grischuna dals scrinaris a Glion ed a Samedan las mastranzas per ils emprendists e las emprendistas da scrinari. Quai è l'emprima runda per la qualificaziun per ils Swiss skills e la finala per ils World skills, pia ils campiunadis mundials che han lieu l'onn 2026 a Schanghai.
La concurrenza è averta per tut ils emprendists ed emprendistas dal segund enfin il quart onn d'emprendissadi. Els pon s'annunziar sez u vegnan annunziadas da lur patruns.
Anfang Bildergalerie
Bildergalerie überspringen
-
Bild 1 von 10. cumplaina concentraziun... Bildquelle: RTR.
-
Bild 2 von 10. ...per producir mintga toc lainn. Bildquelle: RTR.
-
Bild 3 von 10. Florian Camenisch dovra la concurrenza per sa preparar sin ils examens da professiun. Bildquelle: RTR.
-
Bild 4 von 10. Uschia vesa igl object ora a la fin. Bildquelle: RTR.
-
Bild 5 von 10. Pieder Alig, il parsura surveglia las lavurs. Bildquelle: RTR.
-
Bild 6 von 10. Bildquelle: RTR.
-
Bild 7 von 10. Bildquelle: RTR.
-
Bild 8 von 10. Quai è il plan da la stgala cun dus pass. Bildquelle: RTR.
-
Bild 9 von 10. Intgins tocs en gia pronts. Bildquelle: RTR.
-
Bild 10 von 10. Ina chista cun guaffens da scrinari. Bildquelle: RTR.
Ende der Bildergalerie
Zurück zum Anfang der Bildergalerie.
Per ils participants e las participantas munta quai da construir in object da lain – quest onn ina stgala dubla – entaifer in temp limità sin set uras. Durant la lavur dovran ils participants tut l'inschign ch'ellas emprendan en l'emprendissadi. Uschia dovri abilitads sco precisiun, effizienza, fantasia ed ina buna survista dal temp che stat a disposiziun.
Jau fetsch quella concurrenza per ma preparar sin ils examens finals. Ils Swiss skills na interesseschan betg mai per il mument uschè fitg.