Siglir tar il cuntegn

Header

cuntegn

Campliun Il runal la Péra è spendrà

Il runal la Péra a Campliun en Surselva è spindrà. Quai han communitgà ils gestiunaris.

Gia avant in'onn aveva il cussegl d'administraziun da la Péra communitgà ch'il runal dovra ina sanaziun. Per realisar il project avevan ils responsabels lantschà ina campagna da finanziaziun sut il motto «Lein salvar nies Runal Péra».

Uss, var in'onn pli tard, èn avunda daners vegnids ensemen per realisar il project. Bain hajan ins manchentà la finamira da 470'000 francs, ils daners che sajan dentant avant maun tanschian per in emprim pass.

Lavurs vid il runal
Legenda: MAD

Nova staziun a val ed a culm

Concret duai vegnir realisà ina nova staziun a val ed a culm, cun ina nova suga e novs giuvs. Plinavant vegnan las pitgas existentas dal runal sanadas, quai entras ina firma da la Germania. I sa tractia tenor communicaziun da la varianta, la pli favuraivla.

Emprimas lavurs sajan gia vegnidas fatgas. Las grondas lavurs duain alura vegnir fatgas l’atun. Cun las mesiras che vegnan prendidas sperian ins da mantegnair il manaschi en la furma actuala per ils proxims 20 onns.

RTR novitads 20:00

Artitgels legids il pli savens

Scrollar a sanestra Scrollar a dretga