Avant trais onns ha l'uniun Casa Depuoz surpiglià la fundaziun Casa Soldanella che porscha cun sia chasa da dimora a Rueras in dachasa e structuras dal di per 12 persunas cun impediments. Quest manaschi che sa chatta sper la via chantunala e ch'è vegnì en ils onns, vegn tenor la Casa Depuoz manà vinavant enfin ch'ins po bardigliar en il nov dachasa a Sedrun en radund in onn.
Il lieu è fitg central, igl è amez il vitg ed ins po avair contact cun la populaziun.
La nova chasa da dimora che sa chatta sper la scola da Sedrun porscha en l'avegnir 12 chombras d'abitar en ils trais plauns sura. En il plaunterren sa chatta in gronda stanza polivalenta per las structuras dal di.
-
Bild 1 von 5Legenda: Buna luna tar l'emprima badigliada. RTR -
Bild 2 von 5Legenda: Pled dal cusseglier guvernativ Marcus Caduff... RTR
-
Bild 3 von 5Legenda: ...e la presidenta da la Casa Depuoz, Gabriela Tomaschett-Berther. RTR
-
Bild 4 von 5Legenda: Il mainaproject e suprastant da la Casa Depuoz Manfred Manser. RTR
-
Bild 5 von 5Legenda: L'anteriura chasa d'attempads ed attempadas en la Via Dulezi è spazzada. RTR
Il nov bajetg en lain, il project d'Albertin Architekten, è vegnì elegì tranter quatter projects. El exista or da construcziuns en lain prefabritgadas, las fatschadas vegnan ornadas cun schlondas e las paraids en las stanzas vegnan liadas cun arschiglia. Il lain duvrà è da la regiun ed insumma sajan la durabilitad e la reducziun d'emissiuns da CO2 stada fitg impurtanta tar la planisaziun, uschia l'architect Robert Albertin.
Nus essan adina stads vidlonder. Er al chantun avain nus ditg che nus vulain quai ed avain tegnì la dira.
Ils custs per il bajetg muntan var 6,5 milliuns francs. Il Chantun sustegna quel cun 5,2 milliuns francs. Ed era la vischnanca da Tujetsch ha finanzià 600'000 francs cun spazzar l'anteriur bajetg sin la parcella. Plinavant ceda ella il terren da bajegiar en dretg da construcziun.