Cun l’entschatta da la primavaira ha era gì lieu l’exposiziun «Primavera» a Glion. Sper circa 40 attracziuns èsi surtut ì per las stizuns da la citad. Entras l’exposiziun è blera glieud vegnida en contact cun las stizuns. Quellas han dastgà preschentar lur products e purschidas en ed avant stizun.
Impressiuns da la «Primavera 2026»
-
Bild 1 von 6. La chasa communala a Glion. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.
A chaschun da l'exposiziun vegn serrada la Via dal Glogn per il traffic ed uschia avert spazi per expositurs da las fracziuns da Glion e la clientella. Là pon visitadras e visitaders flanar sper differentas staziuns ed attracziuns per famiglias ed uffants.
Jau di adina che nus hajan in patg cun il Petrus che guarda adina che nus hajan bun’aura.
L’aura è stada buna, las visitadras ed ils visitaders sco er las exposituras ed ils expositurs èn stads cuntents. Franca Strasser, commembra dal comité d’organisaziun, guarda enavos sin in’ediziun reussida da la «Primavera 2026» cun fitg blers visitaders e visitadras.
La purschida online è en il fratemp in dals concurrents ils pli gronds da las fatschentas. Online manchia dentant il contact cun la clientella, la cussegliaziun e l’expertisa dal persunal da vendita.
Nus purschain ina buna cussegliaziun e tar nus pon ins anc prender enta maun las chaussas ed empruvar.
Blers apprezieschan ils servetschs da las butias localas ed èn da l’avis, che butias en la regiun sajan impurtantas.
La finamira da la «Primavera» è da render visibla la diversitad economica e sociala da la regiun, e da promover il barat persunal tranter la clientella ed ils manaschis. L'exposiziun mussa uschia Glion e conturn sco lieu viv d'economia e da scuntrada, e sa drizza sapientivamain a l'entira populaziun.