Cun la gronda fulla da 6'000 aspectaturas ed aspectaturs per di spetgian ils organisaturs per la fin d'emna. Els sajan fitg cuntents cun il dumber da visitaders da gievgia, uschia Véronique Ruppenthal, responsabla per la communicaziun dal eveniment. Dumandà la glieud sin il plaz, era il tenor fitg positivs. L'eveniment saja organisà bain, uschia ils dumandads.
Ils maletgs a l'ur da las cursas
-
Bild 1 von 6. Ils davos meters. Bildquelle: RTR.
-
Bild 2 von 6. Tar l'arrivada durant la cursa a lunga distanza da las dunnas. Bildquelle: RTR.
-
Bild 3 von 6. Fans dal currider Csaba Gerber. Bildquelle: RTR.
-
Bild 4 von 6. Vista giu da la collina. Bildquelle: RTR.
-
Bild 5 von 6. visur cun carta ch'initgescha la posiziun da las curridras. Bildquelle: RTR.
-
Bild 6 von 6. tribuna avant che la fulla arriva. Bildquelle: RTR.
Voluntaris dattan la davosa glimada vid l'infrastructura
Il comité d'organisaziun ha recrutà var 300 voluntaris e voluntarias per manar tras ils campiunadis mundials da las cursas d'orientaziun a Flem. A Prau la Selva han quels gidanters preparà l'arrivada per las cursas dals finals. A partir da gievgia spetgan ils responsabels enfin 6'000 persunas. Venderdi è di da ruaus e sonda èn las cursas finalas da la distanza mesauna. La finiziun marcheschan las cursas da staffetta la dumengia.
Las preparativas a Prau la Selva
-
Bild 1 von 7. In pèr voluntari vid las lavurs finas. Bildquelle: RTR.
-
Bild 2 von 7. Chargiader cun rodas per elements pli grevs. Bildquelle: RTR.
-
Bild 3 von 7. Montar ils transparents a l'arrivada. Bildquelle: RTR.
-
Bild 4 von 7. Purtar enturn rauba. Bildquelle: RTR.
-
Bild 5 von 7. Glieud giuvna avra la tenta per ils osps d'onur. Bildquelle: RTR.
-
Bild 6 von 7. Il militar è present, tranter auter cun ina equipa da schuldada da sanitad. Bildquelle: RTR.
-
Bild 7 von 7. La protecziun civila ha ier montà la tribuna – qua tar in pintga pausa. Bildquelle: RTR.
Ils responsabels dattan albiert e dunsena a las voluntarias ed als voluntaris en plirs hotels a Flem. Plinavant pon ils gidanters ch'èn per la gronda part amaturs dal OL sa participar a las cursas popularas en la «Swiss Orienteering Week», l'emna proxima. Ils voluntaris gidan dentant or da persvasiun, cunquai ch'il sport dad OL dumonda en general l'agid da la glieud che organiseschan cun lur clubs eveniments naziunals.
Il sport dad OL viva da gidanters voluntaris. I na dat betg ina cursa en il guaud sche voluntaris na fan betg ina massa.
Ulteriur agid survegnan ils campiunadis mundials dal OL, dal militar e da la protecziun civila. In tozzel schuldada da sanitad ha montà ina tenta per ils cas d'urgenza. La protecziun civila è cun la medem gronda quantitad sin il plaz, tranter auter per eriger la tribuna.