Elecziuns communalas - Nagin segund scrutini a Tujetsch
En la vischnanca da Tujetsch na datti nagin segund scrutini a l'urna per las elecziuns communalas. La suprastanza communala ha decidì d'applitgar l'artechel 30 da la lescha davart ils dretgs politics e da far in'elecziun tgeua.
Per nagins posts dettia dapli candidaturas che posts vacants, communitgescha la vischnanca Tujetsch. Uschia èn elegids:
Daniel Schmid, sco ultim commember da la suprastanza communala
Simon Beer, en il Cussegl da vischnanca
Severino Solèr, en la cumissiun da gestiun
Gian Riedi, en il cussegl da scola
I mancan anc adina 2 suppleants per la cumissiun da gestiun ed 1 suppleant per il cussegl da scola. La suprastanza communala ha decidì unanimamain da betg occupar quests posts.
