Il president actual Wendelin Casutt sco er sia predecessura Silva Casutt na pon betg sa regurdar ch'igl haja gia dà quai a Falera: in cumbat electoral per il presidi. Cunquai ch'igl ha en il mument dus candidats, han ils votants e votantas da Falera ina schelta tar las elecziuns quest zercladur.
Tar ils dus candidats: Norbert Good è oriund da Ragaz Bogn, Alexander Jörger è burgais da Val. Tuts dus èn dapi onns fermamain colliads cun Falera. Omadus vegnan da posiziuns da manar en l'economia privata: Norbert Good da la branscha da turissem, Alexander Jörger dal sectur da finanzas.
- oriund da Ragaz Bogn
- scolaziuns da mainagestiun en Belgia e Reginavel Uni
- stà blers onns directur tar KUONI Travel en Svizra ed en l'exteriur
Lur candidaturas èn il resultat d'ina tschertga activa entras ina cumissiun da recrutaziun. Quella ha gì da chattar successuras e successurs per il president Wendelin Casutt che chala sin fin zercladur.
- naschì a Turitg
- Studegià economia da manaschi a Son Gagl
- directur tar la Swiss Finance Boutique AG a Cuira
Ils 18 d'avrigl datti ina discussiun da podium per preschentar ils dus candidats. Persunas interessadas pon vinavant inoltrar ina candidatura per il post. Las elecziuns suondan en il zercladur.
