Siglir tar il cuntegn

Header

cuntegn

Fugida dal Tibet Èn ils Tibetans e las Tibetanas segiras en Svizra?

Per Dawa Capaul, ina Svizra oriunda dal Tibet, n'èsi betg pussaivel da visitar ses parents en il Tibet.

Cun 14 onns è Dawa Dolma, uss Dawa Capaul fugida ord sia patria oriunda, il Tibet. Ina fugia tut a pe che ha cuzzà 17 dis. Il viadi è ì davent dal Tibet sur Nepal fin en l'India dal Nord a Dharamsala, là nua ch'il Dalai Lama, il manader religius dal Tibet è da chasa dapi l'onn 1959, cura ch'el aveva stuì fugir or dal Tibet.

audio
Dawa Dolma e sia fugia or dal Tibet
ord Actualitad dals 16.03.2021.
laschar ir. Durada: 3 minutas 55 Secundas.

En l'India dal Nord emprenda Dawa Dolma d’enconuscher Silvio Capaul che daventa la finala ses um.

Cura ch’el ha dumandà da maridar, hai jau ditg, segir betg, jau na less betg maridar in European.
Autur: Dawa Capaul
In'amicizia è sa dada pir sur plirs onns, e la finala avain nus dumandà in orachel tibetan. Quel ha dà tiers quella relaziun ed uschia avain nus pudì maridar.
Autur: Silvio Capaul fotograf e lavurer social
audio
Dawa e Silvio Capaul e la controlla da la China
ord Actualitad dals 16.03.2021.
laschar ir. Durada: 4 minutas 8 Secundas.

La Svizra è segira per nus

Sco quai che Silvio Capaul raquinta, haja el survegnì adina puspè e-mails dubius or da la China. Quai haja el dà vinavant a Berna al Departament da l'exteriur. Il cussegl da lezza vart saja stà, da vinavant betg respunder sin da quests mails e da dar vinavant els.

Nagin visum en mira

Per Dawa Capaul n'èsi il mument betg pussaivel da visitar ses parents en il Tibet. Ses bab e sia mamma èn morts ed ella n'ha betg dastgà ir a la sepultura en la patria. Sin il consulat da la China a Turitg sajan els vegnids manads en in tschaler per la finala survegnir la resposta, ch'i na dettia nagin visum per els. Silvio e Dawa Capaul èn omadus da l'avis che la Svizra stuess far dapli squitsch sin la China che ha attatgà ed occupà il Tibet. Sche la Svizra laschia uss intercurir la situaziun dals Tibetans e las Tibetanas en Svizra, saja quai in pass en la dretga direcziun.

Ord l'archiv:

Il 2001 ha il Telesguard gia ina giada visità Silvio Capaul en Lumnezia. Là ha il fotograf raquintà da sia passiun.

video
Tibet en Lumnezia – Silvio Capaul
Or da Telesguard dals 09.03.2001.
laschar ir. Durada: 3 minutas 39 Secundas.

Il 1995 han ils Cuntrasts accumpagnà Karma Namling-Lobsang. Ella n'ha betg pudì entrar en il pajais per visitar la conferenza da dunnas da l'ONU.

Il 2013 la seria da «50 onns fugitivs dal Tibet».

RTR actualitad 07:00

Artitgels legids il pli savens