Ils tests da corona da pool cun tut las classas dal gimnasi han mussà cas positivs en differentas classas. Sper ils 4 cas positivs en l'emprima classa gia enconuschents, sajan trais ulteriuras classas pertutgadas. Il precis dumber da giuvenils pertutgads n'è betg enconuschent, cunquai ch'ils resultats dals tests singuls na vegnan betg communitgads publicamain. Quels survegnan sulettamain las persunas pertutgadas u ils geniturs da quellas.
L'onn da scola cuzza anc enfin venderdi. Sco quai ch'il rectur dal Gimnasi claustral Mustér, Tom Etter ha ditg envers RTR, stoppia l'onn da scola deplorablamain finir en il modus da scola a distanza. El speria fitg da cumenzar il proxim onn da scola ils 23 d'avust en preschientscha dals scolars e da las scolaras.
