Siglir tar il cuntegn

Header

cuntegn

Glion: Rapport corona Stab da crisa schlià, la direcziun surpiglia

Il parlament ha prendì enconuschientscha che las mesiras durant il temp da corona han influenza sin il quint annual.

Il rapport davart las mesiras durant la crisa da corona, preschentà al parlament, cumpiglia per la vischnanca da Glion 9 puncts. Uschia èn las taxas da parcar vegnidas abolidas durant quest temp e quai vala anc fin la fin da matg. Era èn vegnids reducids u relaschads tschains a locataris, e tut las mesiras chantunalas da relaschar tschains da retard sin taglias e desister sin taxas d’admoniziun ha la vischnanca era introduci durant quest temp.

Differentas investiziuns en connex cun la segirtad ha la vischnanca stuì ademplir, e tut quai è adina cumbinà cun custs. Plinavant stoppian ins quintar ch'i vegnia a dar pli paucas entradas da taglias. Tge effect che las mesiras e las reducziuns vegnian ad avair sin il quint annual, n'è anc betg pussaivel dat eruir en francs e raps.

audio
Per tadlar curt e cumpact
ord Novitads dals 27.05.2020. Maletg: RTR
laschar ir. Durada: 55 Secundas.

RTR novitads 12:00

Artitgels legids il pli savens