dapli
Rolf Maibach, commember dal cussegl d’administraziun da l'ospital Albert Schweizer a Haiti, quinta che malsognas sco la colera, malaria ni era la fevra da dengue vegnan ad esser il pli grond problem ils proxims mais. Gronda part da las chasas en la part sidvest da Haiti èn vegnidas destruidas e cun quai era las installaziuns sanitaras. Aua da baiver schubra manca e quai possia chaschunar epidemias.
Ospital Albert Schweizer betg donnegià
L’avantatg tar in orcan saja, ch'ins sappia circa cura ch’el vegni e perquai hajan els pudì sa preparar bain sin il stemprà. Ultra da quai sa chatta l’ospital protegì en ina val circa 100 km en il nord da Port-au-Prince, la chapitala da Haiti. Uschia na saja l’ospital sez betg vegnì donnegià. Ina gruppa da medis da l’ospital saja sin via en la regiun devastada per gidar.
RR actualitad 12:00
