Siglir tar il cuntegn

Header

Simonetta Sommaruga
Legenda: En sia resposta sin ina brev averta da 41 purs, ha la presidenta da la Confederaziun, signalisà da pigliar serius ils quittads dals purs pervi dal luf. Keystone
cuntegn

Il luf en Surselva Sommaruga mussa chapientscha per ils purs

La cussegliera federala Simonetta Sommaruga ha signalisà chapientscha per ils quitads dals purs da vatgas mamma da la Lumnezia e Sursaissa en connex cun il luf. En sia resposta sin ina brev averta da 41 purs ha scrit Sommaruga ch'ella haja surdà quella a l'Uffizi federal per l'ambient. La gruppa da lavur «Biestga ed animals stgarpants» sa fatschentia specific cun la problematica grischuna ed il Plantahof surpiglia la coordinaziun tranter la gruppa ed ils purs pertutgads.

Sco quai che in dals iniziants – il pur Lumnezian Gionin Caduff ha ditg a la FMR – èsi positiv che la cussegliera federala ha fatg attent sin la revisiun da la lescha da chatscha federala. Quella saja in instrument adattà per prevegnir a la problematica. La votaziun davart la lescha da chatscha per schluccar la protecziun dal luf fuss stada previsa per ils 17 da matg. Quella è dentant vegnida spustada pervi da la crisa da corona.

Betg chattà resun tar la cussegliera federala ha dentant la proposta dals purs, da durmentar ils lufs e plazzar quels en in parc d'animals.

RTR Novitads 06:00

Artitgels legids il pli savens

Ir a sanester Ir a dretg