Las votantas ed ils votants da Sagogn laschan examinar ils avantatgs e dischavantatgs d’ina fusiun cun las trais vischnancas vischinas. A la radunanza communala da venderdi saira han ils da Sagogn votà cun 93 cunter 1 vusch per il preproject.
Er gia approvà il preproject han las vischnancas da Schluein e da Laax. Sco proxim sto anc la vischnanca da Falera decider en chaussa, quai succeda mez zercladur. La vischnanca fusiunada avess lura num Laax.
