Carigiet e Spescha – els èn adina puspè da vesair en lur patria ed en il Museum Cuort Ligia Grischa a Trun. Questa giada èn ils dus curaturs Alexa Giger e Gieri Venzin dentant sa decidì da mussar maletgs plitost nunenconuschents. Ovras temprivas che mussan la via artistica tant da Spescha sco era da Carigiet.
Nus essan sa referids sin las funtaunas rumantschas e co la pressa ha rapportà da quels temps da Carigiet e Spescha.
L'exposiziun actuala dat ina buna invista en la via che Spescha e Carigiet han stuì ir. In ha decidì da bandunar Trun e la vita en Surselva e l'auter ch'era daditg enconuschent sco graficher a Turitg, è puspè turnà.
Tar ils emprims maletgs da Matias Spescha ves'ins anc bain co el guardava in zic tge che Carigiet malegia.