A Ragischs sut Mumpé Medel sa chatta ina fortezza sutterrana da l'onn 1972. Dapi l'october è quel en possess da la vischnanca da Mustér ed affittada da l'Uniun Fortezia Stalusa. Quella vul far accessibel il bunker a la publicitad.
Sco ch'il co-president da quella, Fredy Caminada, ha ditg a la FMR, vegn la fortezza avert la stad vegninta. Medemamain duai vegnir endrizzà là in museum cun armas militaras e muniziun en possess da l'uniun sco d'ina persuna privata.
-
Bild 1 von 4. Quartiers en la fortezza. Bildquelle: FMR / Hans Huonder.
-
Bild 2 von 4. Fredy Caminada mussa la muniziun dal bittaminas da la fortezza. Bildquelle: FMR / Hans Huonder.
-
Bild 3 von 4. Bildquelle: FMR / Hans Huonder.
-
Bild 4 von 4. Aggregat da Saurer per electricitad. Bildquelle: FMR / Hans Huonder.
Il 1994 è il bittaminas da la fortezza vegnì duvrà la davosa giada. En la fortezza pon 42 persunas abitar, ella cumpiglia ina cuschina, pliras chombras da durmir, duschas e tualettas, latiers ina localitad da commando sco er in local per deponer muniziun.
L'Uniun Fortezia Stalusa è vegnida fundada 2008, ed affitta era las fortezzas da la Stalusa e Madernal.