Siglir tar il cuntegn

Header

cuntegn

Mustér Rumida da rument be ina giada l'emna – grazia ad ulteriurs molocs

Il parlament communal da Mustér ha concedì in credit da 275'000 francs per plazzar u remplazzar radund 30 molocs en il vitg da Mustér. En tut duai vegnir investì radund 450'000 francs e l’entir concept duai vegnir realisà en duas etappas. Sco la vischnanca scriva, ha la fasa da test avant Nadal mussà che la rimnada regiunala da rument po vegnir reducida en il vitg sin sulet ina giada a l'emna – grazia al sistem da molocs. Uschia sa reducescha la taxa per las abitantas ed ils abitants dal vitg per radund 33%. L’emprima fasa duai vegnir realisada anc la primavaira da quest onn.

Plinavant ha il cussegl da vischnanca approvà la revisiun parziala dal plan da zonas e dal plan general da furmaziun per l'explotaziun da crappa Ragisch. Questa decisiun sto il suveran anc confermar ils 3 da mars a l'urna.

audio
Per tadlar: las novitads da las 12:00
ord RTR Audio dals 24.01.2024.
laschar ir. Durada: 5 minutas 7 Secundas.

RTR novitads 12:00

Artitgels legids il pli savens