Siglir tar il cuntegn

Header

cuntegn

Pendicularas Mustér In dals megliers onns en l'istorgia

Las pendicularas da Mustér èn enavos en las cifras nairas. Cumenzà ha la stagiun 2021/2022 cun ina fitg buna stad. Tenor il president dal cussegl d'administraziun Marcus Weber n'ha Mustér mai gì tant osps a Mustér dapi che l'hotel Acla da Fontauna è vegnì serrà. L'enviern è stà signà cuntinuadamain d’ina mancanza da naiv. Per cumpensar quella hajan collavuraturas e collavuraturs stuì s’engaschar da camifo per procurar per bunas cundiziuns da pista.

Gudogn malgrà investiziuns

Sut il stritg han las pendicularas fatg in pitschen gudogn dad 11'000 francs. Quai tar in cash-flow da radund 1,5 milliuns francs. La svieuta haja muntà a bunamain 16 milliuns francs, in plus da radund 1,3 milliuns francs. Dasperas han las pendicularas investà en ina terza chasa da persunal ed en lavurs da mantegniment per protecziun cunter lavinas. Uschià discurriva Marcus Weber dad in dals megliers onns en l'istorgia da las pendicularas. Il bun resultat saja reussì grazia a grondas investiziuns ils davos onns.

audio
RTR novitads da las 7:00
ord RTR Audio dals 14.09.2022.
laschar ir. Durada: 5 minutas 42 Secundas.

RTR novitads 07:00

Artitgels legids il pli savens