2000 – anc nagina Porta Alpina ma il tunnel da la NEAT
Las lavurs vid il tunnel da basa da la NEAT a Sedrun survegnan plaun a plaun ina furma. Ma al cumenzament dal tschientaner na vegniva anc betg discurrì da la Porta Alpina.
2002 – L'uniun visiun Porta Alpina vegn fundada
Il favrer 2002 vegn l'uniun visiun Porta Alpina fundada. L'idea para geniala e simpla.
2003 – la petiziun per la Porta Alpina vegn surdada a Berna
Ina delegaziun cun represchentants da la Surselva surdattan la petiziun per la Porta Alpina a Berna. Ils presidents da vischnanca da Tujetsch e Mustér mancan a la surdada, ma il giuven politicher Martin Candinas fa reclama per la Porta Alpina.
2004 – ils iniziants tschertgan investiders privats per il project
En ina runda da discussiun cun politichers dal chantun e cun il promotur Arthur Loretz vegn la visiun Porta Alpina discutada. Il cusseglier naziunal Andrea Hämmerle accentuescha che la Porta Alpina resta probabel ina visiun.
2006 – il pievel grischun di GEA al credit per la Porta Alpina, las reacziuns il di suenter
Ils 12 da favrer 2006 decida la populaziun grischuna cun 71,6% il credit da 20 milliuns francs per realisar la Porta Alpina.
2007 – project Porta Alpina vegn sistì
L'onn 2007 ha il Cussegl federal decis da spustar il project Porta Alpina sin l’onn 2012 ed ils 16 da matg 2012 ha el communitgà da renunziar la Porta Alpina.
2020 – la renaschientscha dal project Porta Alpina
En in'incumbensa da la regenza grischuna vul il deputà René Epp che la regenza examineschia danovamain pussaivladads per realisar la Porta Alpina. La regenza grischuna ha acceptà l’incumbensa.
NEAT – Porta Alpina
RTR actualitad 07:00
