Sch'ins chamina si da Sedrun, sur Milez alura han ins suenter ina curva la suandanta vista:
Quai èn passa 1'000 maisas da solar ch'èn installadas. En futur duessan quai esser tschintg giadas uschè bleras. La populaziun da Tujetsch ha sustegnì quest project da circa 87 milliuns francs ed i n'ha dà nagins recurs.
En Grischun datti diversas ovras solaras ch'èn en funcziun, autras ch'en vegnidas refusadas u ch'igl ha dà recurs. Che quest project ha funcziunà uschè bain a Sedrun argumentescha il mainafatschenta Ciril Deplazes tranter auter cun lur curaschi.
Nus avain gì il avantatg ch'ins ha da lez temp discurrì da la mancanza d'electricitad.
Ed era oz è el anc persvadì da quest moda e maniera per gudagnar energia. L'exempel da las ovras atomaras che han stuì vegnir serradas giu pervia da las chaliras suttastritgia quai.
-
Bild 1 von 5. Enfin uss èn 20% da tut l'indriz installads. La fin d'october duessan quai esser 50%. Ed il 2028 duessi esser cumplet, pia stgars 6'000 da talas maisas da solar. Bildquelle: RTR.
-
Bild 2 von 5. Il material è pront per vegnir installà. Bildquelle: RTR.
-
Bild 3 von 5. Cun questa maschina «Muntaniala» vegnan fatgas las foras. Bildquelle: RTR.
-
Bild 4 von 5. Quai èn las chommas da las maisas. Bildquelle: RTR.
-
Bild 5 von 5. La staziun da transformaturs. Bildquelle: RTR.
Er als visitaders ed a las visitadras fa l'indriz impressiun. Perquai che questas maisas vegnan bajegiadas en in territori nua ch'igl ha gia indrizs turistics sco las pendicularas na disturba quai betg els. Da cuvrir l'entira cuntrada cun questas maisas da solar na vulan els dentant betg.
Intgins èn da l'opiniun ch'ins duess nizzegiar edifizis existents per montar panels solars. Auters sustegnan ina maschaida da funtaunas d'energia: energia atomara, d'aua, da vent u energia termica.