Siglir tar il cuntegn

Header

Der Kirchenchor Segnas ist ausgezeichnet worden mit dem Premi Desertina, der Kulturpries der Gemeinde Disentis.
Legenda: Il chor baselgia Segnas ensemen cun il president communal René Epp ed il president dal chor Edwin Deflorin cun il premi el maun. RTR
cuntegn

Premi Desertina Chor viril baselgia Segnas ed uniun culturala Disla èn premiads

La vischnanca da Mustér ha per la settavla giada surdà il premi Desertina, il premi da cultura communal. Undrà cun il premi da renconuschientscha è vegnì il chor viril baselgia Segnas. Il chor è vegni fundà il 1917 e dumbra il mument 28 commembers. Cun Gion Tenner ed Yvonne Flepp ha il chor gist dus dirigents. Il premi da renconuschientscha è dotà cun 3'000 francs.

Uniun culturala Disla

Era undrada è vegnida l’uniun culturala Disla – quai cun il premi da promoziun dotà cun 2000 francs. L’uniun culturala tgira e mussa l’ierta industriala da la fracziun da Disla cun mulin, resgia, fallun e chascharia. Ella dumbra il mument radund 120 commembras e commembers.

Premi Desertina

Il premi Desertina è vegnì surdà per l'emprima giada l'onn 2005. El ha l'intenziun d'undrar persunas privatas, instituziuns, organisaziuns ed uniuns che s’engaschan a moda extraordinaria per la cultura u il sport en la vischnanca da Mustér. La populaziun po mintgamai inoltrar propostas. L’ultima giada è il premi vegni surdà il 2019.

RTR novitads 23:00

Artitgels legids il pli savens