La vischnanca da Tujetsch fa in gudogn da bunamain 2 milliuns francs cun il quint 2020. Quai tar expensas da 13'926'421.56 francs visavi entradas da 15'882'986.90 francs, sco la vischnanca ha communitgà. Las investiziuns nettas che Tujetsch ha fatg il 2020 muntan a passa 1,2 milliuns francs.
L’energia alpina dastga, malgà in onn tut spezial cun ina situaziun extraordinaria, guardar enavos sin in fitg bun onn da fatschenta. Il gudogn schuber suenter las amortisaziuns, retensiuns e reservas ordinarias munta a 1’341’362 francs.
Plinavant ha il cussegl da vischnanca decidì unanimamain d'approvar:
- in credit supplementar per il project fussal da plievgia en la summa da 29'341 francs.
- la prefinanziaziun dad in milliun francs per il Bogn Sedrun ch’è vegnida creada ord il gudogn dal quint da gudogn e sperdita 2020. La prefinanziaziun va en favur dal project da sanaziun ed engrondaziun.
- l’attribuziun supplementara da 200'000 francs al fond per promover il svilup economic.
Ord l'archiv
audio
Structuras communalas: Sumvitg ha gia abolì il parlament – Tujetsch è vidlonder
ord Actualitad dals 31.03.2021.
laschar ir. Durada: 3 minutas 16 Secundas.
