Il suveran da Sagogn ha approvà il quint e rapport annual 2021. Quel serra cun in gudogn da 281’518 francs, quai tar entradas da stgars 5’021’000 ed expensas da bun 4’700’000 francs. Il chapital agen da la vischnanca è creschids sin bun 8’100’000 francs.
La radunanza communala ha era approvà unanimamain l'urden da scola dal Consorzi da scola Falera-Laax-Sagogn-Schluein. Cun l’entschatta da l'onn da scola 2022/23 cumenzan las vischnancas ina collavuraziun pli stretga en il sectur da la scola populara cun scolina, scola primara e stgalim superiur. En quest connex ha la radunanza communala era approvà il reglament d’indemnisaziun per la cumissiun da scola dal nov consorzi.
