I savura da turta e da café, las maisas da lain lungas èn decoradas cun tulipanas, chandailas melnas, figuras da lieurs e flyers, che inditgeschan ch'il café Casti a Schluein ha avert ina giada al mais. Simona Hendry maina il café. L'artista e naturopata ha da nov surpiglià la scuntrada mensila. Ella vul ch'i dettia il lieu per s'entupar e per sa scuntrar.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
«La finamira è da purtar dapli vita en il chasté», declera ella. Ferton che Simona Hendry taglia la turta da carottas vegn l'emprem giast atras isch – Dani Ammann, fotograf e cuschinier che lavura en il chastè Löwenberg. El di, ch'il café saja impurtant.
I mussa a la glieud, che nus artists essan qua – che buna glieud è qua, glieud interessanta.
Durant il discurs vegn er l'emprima persuna ord la regiun en il café, in um pli vegl che salida Simona Hendry cun in rir ed in'embratschada. El lavura sco fotograf en Turgovia, e tenor el rendi da far uschè in café. La stanza en il Chastè Löwenberg s'emplaina, adina puspè vegnan novs giasts dad isch en. Simona Hendry beneventa tuts, ella porta pettas e café, ed i para da plaschair als giasts.
-
Bild 1 von 3. Bildquelle: RTR.
-
Bild 2 von 3. Bildquelle: RTR.
-
Bild 3 von 3. Bildquelle: RTR.
Il giavisch da l'artista e naturopata Simona Hendry saja ch'il café vegn pli enconuschent e ch'i saja cler ch'ina giada al mais saja il café avert. Sche quest café vegn uschia a s'etablir, saja dentant grev da dir. Las proximas datas èn en mintga cass gia definidas.
Or da l'archiv
Avant intgins onns han ils «Cuntrasts» tematisà il chastè Löwenberg e las midadas ch'igl ha dà en il bajetg a Schluein.