Siglir tar il cuntegn

Header

cuntegn

Sedrun Mustér Turissem Flavia Berther daventa nova manadra dal team

Sedrun Mustér Turissem survegn ina manadra da team. Flavia Berther è vegnida elegida dal cussegl d'aministraziun. Quai scriva l'interpresa en ina communicaziun. L'atun aveva il cussegl d'aministraziun decis da betg tschertgar ina successiun per Simona Barmettler ch'era sa retratga sco directura l'october. Ins na sappia anc betg en tge direcziun che Sedrun Mustér Turissem veglia ir, avevi gì num.

Flavia Berther ha gia lavurà pli baud tar l'organisaziun da turissem. En sia nova posiziun sco manadra da team è ella er principalmain responsabla da manar il team e per il management da projects, products ed events. La direcziun parta ella cun Pascal Schär ch'è responsabel per il marketing ed il president Silvio Schmid che maina Sedrun Mustér Turissem e realisescha la strategia da turissem.

audio
Per tadlar: curt e cumpact
ord RTR Audio dals 19.05.2023.
laschar ir. Durada: 56 Secundas.

RTR novitads 11:00

Artitgels legids il pli savens