L'istorgia dal parc d'inschign, l'uschenumnà «Skills park», è ina istorgia cun trais partidas. Il possessur da las pendicularas a dal resort Catrina, Marcus Weber sco persuna principala, lura la vischnanca da Mustér cun ses president Robert Cajacob, e la finala l'Uffizi chantunal per il svilup dal territori che ha fatg attent ch'i dovria dapli che mo lubientschas communalas per quest parc.
Il pievel sto decider
Il parc d'inschign, sa chatta en la fallada zona. L’Uffizi per la planisaziun dal territori pretenda uss, che la vischnanca da Mustér fa ina midada da zona en ina procedura ordinaria. Uschia vegni a dar ina votaziun dal pievel. Sche la vischnanca fa la midada en ina revisiun parziala u sche la vischnanca fa la midada en connex cun la revisiun totala da la planisaziun locala è surlaschà a la vischnanca. Perquai che la revisiun totala cuzza probabel anc plirs onns, preferescha il chantun da far ina revisiun parziala.
Jau manegel che la vischnanca na fraina betg tals projects, igl è plitost la lescha che sforza si a nus in auter tempo.
Tuts vulan il medem
La vischnanca vul ch'il parc vegnia legalisà, perquai ch'el munta ina plivalur per la regiun turistica. Marcus Weber vul ch'il parc saja legal per pudair duvrar el cun buna conscienza.
Cura ch’i va per talas chaussas sun jau in dictatur. Sco Svizzer sun jau dentant conscient che la maioritad decida. Decisiuns democraticas, che jau accept senz'auter era sche jau stuess puspè disfar il Skills park.
RTR actualitad 12:00
