Siglir tar il cuntegn

Header

cuntegn

Spital regiunal Surselva Dapli cas ambulants, damain staziunars

Dapli cas ambulants e damain staziunars ha l'ospital regiunal en Surselva gì l'onn passà. Tenor communicaziun correspundia quai al trend naziunal.

Il gudogn dal 2019 inditgescha il Spital regiunal Surselva cun 612'855 francs, quai tar investiziuns da radund 680milli francs. Il retgav en il sectur staziunar saja sa reducì durant il 2019 per var 300'000 francs, cumpareglià cun l'onn precedent. En il sectur ambulant haja l'ospital realisà in retgav da 9,32 milliuns francs. En tut ha l'ospital tractà 11'983 persunas a moda ambulanta. Quai saja in augment da 17%.

Thomas Buchli vegn, Mathias Bundi va

Purtret dals dus umens che stattan in dasper l'auter.
Legenda: Il nov president Thomas Buchli (sanester) e ses antecessur Mathias Bundi. MAD, Spital regiunal Surselva.

Da la radunanza generala da mardi è Mathias Bundi da Zignau sa retratg sco president dal cussegl d'administraziun. El è stà plirs onns en uffizi e vegn remplazzà cun Thomas Buchli da Tenna.

Da nov en il cussegl d'administraziun da l'ospital en Surselva entra Martina Beeli da Sagogn.

Corona ha era fatschentà il Spital regiunal Glion:

video
Spital da Glion fa sez mascras da protecziun
Or da Telesguard dals 23.04.2020.
laschar ir

RTR novitads 11:00

Artitgels legids il pli savens

Ir a sanester Ir a dretg