Tar expensas da 7’857’232 francs quinta il preventiv da la vischnanca da Sumvitg l’onn 2021 cun in plus da 13’346 francs. Quai tar amortisaziuns da 459’412 francs. Las investiziuns nettas planisadas muntan a 2’334’000 francs.
Il pe da taglia ha la radunanza communala da Sumvitg decis da laschar sco fin qua – sin 105% da la taglia chantunala simpla.
Era il consum Surrein-Rabius in tema
Plinavant han ils votants e las votantas approvà la revisiun parziala da la lescha da taglia. E la radunanza ha era ditg Gea al project per ina punt pendenta a «Crappa Grossa» – ils custs èn calculads cun 175’000 francs.
La finala ha il suveran da Sumvitg era relaschà in emprest da 150’000 francs, da l’Associaziun da consum Surrein-Rabius.
audio
Per tadlar: Las novitads da las 06.00 uras
ord RTR Audio dals 18.12.2020.
Maletg: RTR
laschar ir. Durada: 6 minutas 12 Secundas.
