Siglir tar il cuntegn

Header

cuntegn

Tujetsch – turtinas da nuschs Nova halla da producziun è anc sin buna via

Il pasterner Reto Schmid da Sedrun è il mument vida construir ina nova halla da producziun per sias turtinas da nuschs. Il mument sajan ins el plan, ils lavurers sajan anc vida lavurar, quai malgrà la situaziun actuala cun il coronavirus, ha ditg Reto Schmid. Ma quant ditg na possian ins betg dir. N'era betg cler saja sche las maschinas necessarias vegnian furnidas enfin la fin dal avrigl sco planisà, di Reto Schmid. Il mument sajan ins anc optimistics che quai funcziuna, perquai ch’ins haja gia daditg prendì si contact cun las interpresas che produceschan las maschinas e quellas hajan fin uss sincerà quai. Ma ins na possia cun la situaziun actuala betg dir co tut sa sviluppeschia, di Reto Schmid.

Stiziun e Caffè sco tut serrà

Gia il venderdi passà hajan ins decis da serrar la stizun ed il café. Surtut per proteger l’agen persunal e per pudair garantir la producziun da las turtinas da nuschs e dals ulteriurs products. Bun saja che la gronda part dals products vegnia vendì en Svizra ed ils grossists svizzers veglia il mument dapli products, uschia ch’els na sentian il mument anc nagina digren. Ma quai possia tut sa midar svelt. Cun il persunal possian ins il mument anc reducir las sururas e prender vacanzas, ma quai na funcziunia betg sur fitg lung temp. Impurtant saja tenor Reto Schmid da restar innovativ ed optimistic en quest temp.

RTR, actualitad 12:00

Artitgels legids il pli savens

Scrollar a sanestra Scrollar a dretga