Er quest onn desistan la Val Lumnezia e la Val Medel da cooperar cun il Project en favur dal guaud da muntogna. Quai ha confermà il manader da fatschenta dal project, Martin Kreiliger, envers la Südostschweiz. En Val Lumnezia vegnia quai probabel a restar uschia per ils proxims dus, trais onns. En Val Medel dettia discurs da puspè cuntinuar cun la collavuraziun.
La raschun per las dissonanzas tranter las duas valladas ed il Project en favur dal guaud da muntogna è la votaziun davart la lescha da chatscha federala dal 2020.