Pervia d’in sbuvaditsch è la via en la Val Sumvitg serrada per tut il traffic dapi ils 28 da fanadur. Il sbuvaditsch haja lavà davent il fundament da la Via Val sin 15-20 meters, uschia che la stabilitad betg stada garantida, scriva la vischnanca da Sumvitg.
Las lavurs per reconstruir la Via Val sin il tschancun d'Acla Mulin han cumenzà l'entschetta da settember e duain esser a fin la fin dal november u l'entschetta da december. Fin lura resta la via vinavant serrada davent dal tschancun d'Acla Mulin per il traffic.
Las lavurs actualas e da las proximas emnas èn:
- Francar la rait da segirezza cunter l'erosiun e crudada da crappa sin la scarpa nova.
- Lavurs da chavament da la grippa per ils fundaments da la punt.
- Construir ancras per la punt e per la protecziun da las spundas dal chavament.
- Construcziun dals cuntraforts (Widerlager), dals pilasters e da la platta per la via da la punt a spunda.
-
Bild 1 von 9. Il plazzal ils 16-09-2025. Bildquelle: Biro d’inschignier Deplazes.
-
Bild 2 von 9. Situaziun ils 28-08-2025. Bildquelle: Biro d’inschignier Deplazes.
-
Bild 3 von 9. La via è serrada. Bildquelle: Thomas Hardegger.
-
Bild 4 von 9. Bildquelle: Vischnanca Sumvitg.
-
Bild 5 von 9. Bildquelle: Thomas Hardegger.
-
Bild 6 von 9. Sut quest toc – be intgins meters dasperas – è il 2017 crappa sut la via glischnada a val. Bildquelle: Thomas Hardegger.
-
Bild 7 von 9. In helicopter depona plantas cupitgadas sin la via. Bildquelle: Thomas Hardegger.
-
Bild 8 von 9. Bildquelle: Thomas Hardegger.
-
Bild 9 von 9. Peduns pon passar il tschancun d'Acla Mulin sur la punt pendenta. Bildquelle: Thomas Hardegger.
Peduns pon passar il tschancun d'Acla Mulin sur la punt pendenta. Vitiers metta la vischnanca da Sumvitg a disposiziun intgins parcadis provisorics ad Acla Mulin. Quels duain star a disposiziun als giasts sco er a las possessuras ed als possessurs da chasas da vacanzas.
La reconstrucziun custa var 950'000 francs, la vischnanca quinta cun contribuziuns da 50%-60% dal chantun.
Autos èn vegnids sgulads or da la val
I n'è betg stà pussaivel da realisar in provisori per ch'ils vehichels bloccads possian charrar surora, aveva Patrick Schaniel, president communal da Sumvitg, declerà a RTR. Betg mo la via mabain era il mir da sustegn saja instabil. La suletta pussaivladad da vegnir cun ils vehichels or dal territori isolà saja, da sgular ora els. Quai è lura succedì la gievgia, cura ch'ina fatschenta da helicopters ha sin incumbensa da la vischnanca sgulà ora en tut 16 vehichels.
Ina via ch'ha gia pli baud fatg quitads
Avant bun 8 onns era la via stada serrada. Da lezzas uras per medemas raschuns. Quai paucs meters pli datiers dal Bogn Tenigia.
Datti bainbaud in segund tunnel?
La via en Val Sumvitg è gia ditg exponida a la natira. Uschia tranter auter era avant 45 onns – la notg sin ils 2 d'avust 1980 ha ina gronda bova sutterrà la via. Quella ha purtà il Tunnel Barschaus en la val.