Vischnanca da Falera - Nova pendiculara e ressort La Mutta sin buna via

1 / 3

Legenda: Ina nova pendiculara per Falera datti mo, sch'il ressort vegn era realisà. RTR

2 / 3

Legenda: Dal resort La Mutta datti lura ina colliaziun che maina fin tar La Fermata. Davent da là parta la colliaziun direcziun Caverschons e directamain sin il Crap Sogn Gion. Er nà da Laax-Murschetg datti lura ina colliaziun fin Caverschons e da là pon ins er ir direcziun Curnius. RTR

3 / 3

Legenda: Il ressort duai vegnir construì sin il parcadi davant la Mutta. RTR

Ils plans da rinforzar la vischnanca da Falera sco destinaziun da vacanzas impurtanta per l'Arena Alva van vinavant. Il Na da Falera ad in'eventuala fusiun cun Laax, n'ha nagina influenza sin questas decisiun. Quai ha ditg Reto Gurtner da l'Arena Alva.

Quella fusiun n'ha betg in'influenza sin ils projects da Crap s. Gion.

Avant in onn èn ils plans per in ressort da vacanzas, ina nova pendiculara ed ina colliaziun tranter quests dus objects vegnids preschentads. Fin uss è vegnida prolungada la zona per il ressort per ulteriurs 5 onns. Sco quai che Reto Gurtner di, dovrian las chaussas che han da far cun il dretg bler temp.

audio

Falera: Nova pendiculara e resort la Mutta sin buna via

02:01 min, ord Actualitad dals 05.07.2021.

laschar ir. Durada: 2 minutas 1 Secunda.

Ins saja dentant sin buna via e fin ussa n'haja dà nagins impediments che franassan quests projects. I valia anc adina il termin per la realisaziun 2024/25.

Quai che pertutga il territori da skis, èn passa 50% sin l'intschess da Falera. Nus avain adina gì ina collavuraziun fitg averta e da mai anora na mida nagut.