Siglir tar il cuntegn

Header

audio
Tujetsch: Sfidas e finamiras dal nov president Martin Cavegn
Or da Actualitad dals 08.06.2020.
laschar ir. Durada: 04:38 minutas.
cuntegn

Vischnanca da Tujetsch Martin Cavegn è nov president communal

Martin Cavegn è vegnì elegì oz sco president da vischnanca da la vischnanca da Tujetsch. El ha survegnì 337 da las 632 vuschs valaivlas, il pli absolut è cun quai stà tar 317 vuschs. Ses resultat correspunda a 53,3% da las vuschs. L' adversari Silvio Schmid ha survegnì 272 vuschs. Cavegn daventa successur da Beat Roeschlin e surpiglia sia incumbensa l'entschatta fanadur. La perioda d'uffizi cuzza trais onns.

Emprimas reacziuns

Martin Cavegn di ch'el saja levgià e cuntent dad esser elegì gia en l'emprim scrutini. Uss veglia el sa preparar sin ses nov uffizi. El engrazia per il sustegn da Tuatschinas e Tuatschins.

Silvio Schmid è fitg trumpà. El saja sa preparà cun corp ed olma e vulevia porscher maun a la suprastanza ed al pievel da manar la vischnanca. Mo el stoppia acceptar la veglia dal pievel.

Purtret da Schmid.
Legenda: Silvio Schmid n'è betg elegì sco president da vischnanca. FMR, Hans Huonder

Suprastanza communala

En suprastanza communala èn elegids Gian-Reto Nufer cun 474 vuschs, Guido Monn cun 382 vuschs e Renato Decurtins cun 329 vuschs. Els èn vegnids elegids cun il pli absolut, vul dir la mesadad da las vuschs plus 1. Per l'ultima plazza ch'è anc d'occupar dovri in segund scrutini.

Per la cumissiun da gestiun n'avevi dà nagins candidats. Là è elegì tgi che ha survegnì las pli bleras vuschs, ma quellas persunas ston lura era acceptar lur elecziun. Per quai han els peda trais dis. Elegids èn: Tumaisch Valier cun 31 vuschs, Primus Deragisch cun 27 vuschs e Baseli Huonder cun 20 vuschs. Ulteriurs candidats han fatg total 180 vuschs. Er elegì è il suppleant Roger Berther.

Cussegl da vischnanca

Cussegl da vischnanca

Arno Berther
498
Guido Friberg
490
Gebharda Berther
479
Patric Deragisch
452
Cyril Steiger
431
Reto Schmid
429
Otto Curschellas
416
Sabrina Flepp
393
Toni Cathomen
379
Ignazi Monn
373

Er qua dovri per occupar l'ultima plazza, anc in segund scrutini.
Quel è ils 12 da fanadur 2020.

Cussegl da scola

Elegids en il cussegl da scola èn Tania Loretz cun 506 vuschs, Ronny Levy cun 468 vuschs, Daniel Schmid cun 458 vuschs ed Ursina Vincens cun 456 vuschs.

Cuzzà ditg da dumbrar vuschs

Ils resultats da l'elecziun èn vegnids communitgads oz curt avant las 15:00. Sco il president dal biro electoral Simon Collenberg ha ditg ad RTR haja el gì bler da far. Els hajan duvrà temp da dumbrar tut las vuschs, perquai che votantas e votants avevan scrit blers nums sin ils cedels da votar.

RTR novitads 16:00

Artitgels legids il pli savens

Scrollar a sanestra Scrollar a dretga