Siglir tar il cuntegn

Header

cuntegn

Vischnanca Ilanz/Glion Quatter fatschentas e quatter Geas

Via da Scola

A l’urna ha il suveran ditg Gea al credit brut da 1'870'000 francs per sanar la Via da Scola e quai cun 564 Gea cunter 282 Na. La via collia la scolina, la scola publica sco er la scola professiunala. La sanaziun da la via vegn realisada en trais etappas annualas durant ils onns 2021 fin 2023. La davosa renovaziun pli gronda da la Via da Scola è stada avant quatter decennis

Via Sontga Clau sura

Il credit per sanar la Via Sontga Clau sura munta ad 1'163'700 francs. Cun 579 Gea cunter 269 Na è vegnì approvà quest credit. La sanaziun da la via vegn realisada en trais etappas annualas ed è coordinada cun il plan da termins da las surbajegiadas da la residenza S. Giusep e talas sin las parcellas 90/91. Per etappa duai la via tut tenor largezza vegnir serrada totalmain u parzialmain.

Explotar glera territori da Bigliel

En pli duai ien futur vegnir explotà glera sin il territori da Bigliel a Sevgein. Persuenter ha il suveran adattà la planisaziun locala. La glera è ina resursa natirala da gronda valur ed impurtanta per la branscha da bajegiar. I fa senn d'explotar quella en la regiun per evitar memia lungs viadis da transport.

Salavras a Rueun

E la finala ha il suveran approvà d’engrondir la zona d’economisaziun da material Salavras a Rueun. Quai cun 651 Gea cunter 194 Na. Il lieu Salavras è da grond'impurtanza ed ideal quai che pertutga las vias da transport.

RTR novitads 14:00

Artitgels legids il pli savens

Scrollar a sanestra Scrollar a dretga