Siglir tar il cuntegn

Header

audio
Tujetsch: Parlament reducescha project per abitaziuns indigenas
Or da Actualitad dals 10.03.2022.
abspielen. Laufzeit 3 minutas 24 Sekunden.
cuntegn

Vischnanca Tujetsch Dapli spazi d’abitar per indigens – ma damain che proponì

La suprastanza da la vischnanca da Tujetsch aveva proponì da cumprar quatter parcellas. La summa d’investiziun fiss muntada ad 1,3 milliuns francs. Il parlament n’ha betg vulì cumprar tut las parcellas proponidas, uschia che la summa d’investiziun sa reducescha sin radund 400’000 francs.

Il parlament communal aveva decis l’atun passà che l’entira populaziun possia inoltrar pussaivlas parcellas a la vischnanca. Uschia èn vegnidas inoltradas nov propostas a la vischnanca. Da quellas aveva la vischnanca proponì da cumprar quatter. Las duas parcellas refusadas dal parlament communal sa chattan en la vischinanza da la staziun da Sedrun.

Parlament: Situaziun betg dramatica

Il parlament ha dentant betg stimà la situaziun tant dramatica sco la suprastanza communala e refusà la cumpra. Il president Martin Cavegn ha dentant accentuà che quai saja uschia en il process politic e quai resguardian els cumplain. La vischnanca haja dentant manchentà ina schanza unica, uschia Cavegn. Cunquai che la summa finala na surpassa uss betg pli in mez milliun francs, na vegnian ins betg ad ir avant radunanza da vischnanca. La cumpetenza da decider d’ina summa fin a mez milliun francs haja il parlament.

audio
Per tadlar curt e cumpact
aus RTR Audio vom 10.03.2022.
abspielen. Laufzeit 1 minuta 3 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga