Siglir tar il cuntegn

Header

video
Aventura tiny home – Part 2: L’arrivada (Stafla 1, Episoda 2)
Or da RTR Social dals 13.08.2021.
laschar ir
cuntegn

Viver conscient Il siemi da l'agen Tiny home

Yasemin Bilik e Severin Studt da Turitg e Tusaun èn gia daditg s’interessads per furmas alternativas da viver. Il simpel ed ecologic è quai, che intganta els dus per ina tala furma da viver. Fin qua vivevan els en ina abitaziun «normala» da 3,5 stanzas a Domat, cun 87 meters quadrats spazi. U sco els din: en ina abitaziun da luxus.

Il patratg ecologic gioga ina gronda rolla en la decisiun d’abitar en in tiny home. Cun uschè ina pitschna chasina na dovran ins mai tanta forza electrica sco en ina chasa gronda. Ins n’ha era betg spazi supplementar nunduvrà. Tut è optimà per viver cun il minimum necessari.

 

Tge è in Tiny home?

Avrir la box Serrar la box

Sut il term da tiny home chapeschan ins ina furma pitschna da viver. Mo perquai ch’ina chasa è pitschna n’è ella betg automaticamain in tiny home. Tenor l’uniun da Kleinwohnformen Svizra vegn quai definì suandantamain:


• Il spazi da viver cuntegna maximalmain 40 meters quadrat
• Tiny home stat sin rodas u sin fundament da puncts
• Ston ademplir tuts basegns igienics, uschia ch’il tiny home po vegnir duvrà sco ina chasa normala

Sco Tiny home valan suandantas furmas: Tiny house, chasa mini, jurta, vagun da circus. Il term da Tiny house n’è betg protegì giuridicamain.

Il tiny home è vegnì producì cun materials locals ed ecologics. Igl è vegnì desistì da plastics u metals nunnecessaris. Las paraids èn da lain e cuvridas d’arschiglia. L'isolaziun è vegnida fatga cun launa-nursa. Sin il tetg ha quai in indriz fotovoltaic per la forza electrica e la tualetta è ina tualetta partitiva. Ord ils excrements vegn fatg terra e l’urin po vegnir duvrà sco ladim per l’iert. Igl ha bain ina maschina da lavar vaschella e resti, ma sin in tumbler han els desistì sapientivamain. Il tiny home cun num «Mathilda» fa la parita sco in pitschen studio. Per duas persunas.

RTR Telesguard 17:40

Artitgels legids il pli savens

Scrollar a sanestra Scrollar a dretga