Siglir tar il cuntegn

Header

cuntegn

Vossas istorgias Tge sas Ti davart la chasa alva?

Sch'ins passa Rueun sur la via principala croda cunzunt in bajetg ad ins en egl. La chasa Deflorin u sco blers numnan la chasa alva è ina granda chasa alva cun in tetg da ruina. In dals pli vegls bajetgs da Rueun. Probabel pudess mintgin da Rueun raquintar in'istorgia, in'anecdota u simplamain tge ch'els collian cun la chasa alva.

Quai avain nus chattà ora

Tar ils pli giuvens da Rueun è la chasa er enconuschenta sco «chasa da spierts». Quai perquai ch'i sufla savens en il conturn da la chasa e fascheva uschia ramurs da spierts. En la chasa chattan ins arvieuts da crap. Sco ils da Rueun raquintan ha vivì pli baud en questa chasa in chalger. La chasa Deflorin è ina da las veglias chasas da Rueun ed è sut la protecziun da monuments. Ditg è la chasa restada vita. Uss ha in investur da la bassa dentant cumprà ella.

Raquinta era Ti!

Sch'era Ti has insatge da raquintar u has ina fotografia veglia da la chasa alva lura scriva sin il numer da WhatsApp 079 200 70 07 u vegni sperasvi tar nossa rulotta e raquintai a noss reporters avant lieu. Nus sa legrain da Vossas istorgias!

RTR actualitad 11:00

Artitgels legids il pli savens

Scrollar a sanestra Scrollar a dretga