Jasmine Flury - La campiunessa mundiala ha elavurà las emoziuns

Massa larmas da plaschair èn culadas tar Jasmine Flury dapi ses di dad aur, ils 11 da favrer a Méribel. Tut quai ch'è capità dapi lura saja ina sort film che va in cuntin en ses chau, ha la skiunza da 29 onns ditg en il Sportpanorama da SRF. Campiunessa mundiala, il pli grond siemi è ì en vigur.

audio

L'emprima emna sco campiunessa mundiala

03:07 min, ord Actualitad dals 20.02.2023. Maletg: RTR

laschar ir. Durada: 3 minutas 7 Secundas.

Festa en la patria

In di suenter la gronda victoria èn quels e quellas da Monstein e conturn sa rimnads avant il Veltlinerstübli per beneventar la campiunessa mundiala. Tranter las bi e bain 300 persunas er dus anteriurs skiunz da Tavau: Andreas «Söre» Sprecher ed Ambrosi Hoffmann.

02:48

video

Jasmine Flury è l'emprima grischuna ch'è campiunessa mundiala

Or da Telesguard dals 13.02.2023.

laschar ir. Durada: 2 minutas 48 Secundas.

Curt avant las 19:00 è Jasmine Flury arrivada cun ina charrotscha sin il Plaz. La medaglia d'aur enturn culiez e la fatscha traglischanta. Ella haja durmì quasi nagut l'ultima notg, ed er questa notg na vegnia ella probabel betg a survegnir ina massa sien. Ma ella veglia ussa simplamain giudair l'atmosfera. I saja incredibel bel da vesair quant blera glieud che sa legria cun ella.

1 / 13

Legenda: Arrivada en la patria RTR/GIANA MARIA CANTIENI

2 / 13

Legenda: La campiunessa mundiala è in idol per ils giuvens e las giuvnas RTR/GIANA MARIA CANTIENI

3 / 13

Legenda: Jasmine Flury dat autograms als fans giuvens RTR/GIANA MARIA CANTIENI

4 / 13

Legenda: Grond mument per Flury SRF

5 / 13

Legenda: Tut va sut sura – intervista suenter l'arrivada RTR/GIANA MARIA CANTIENI

6 / 13

Legenda: Finalmain arriva la campiunessa mundiala a Tavo Monstein RTR/GIANA MARIA CANTIENI

7 / 13

Legenda: Tuts che pon strusch spetgar l'arrivada da Jasmine Flury RTR/GIANA MARIA CANTIENI

8 / 13

Legenda: Gia ina massa glieud ch'è sa radunada per beneventar Jasmine Flury. RTR/GIANA MARIA CANTIENI

9 / 13

Legenda: Philipp Wilhelm il landamma da Tavau RTR/GIANA MARIA CANTIENI

10 / 13

Legenda: L'anteriur sikunz Ambrosi Hoffman è arrivà per gratular RTR/GIANA MARIA CANTIENI

11 / 13

Legenda: Andreas «Söre» sprecher, anteriur skiunz è vegnì per gratular RTR/GIANA MARIA CANTIENI

12 / 13

Legenda: Ils fans sa rimnan per beneventar Jasmine Flury RTR/GIANA MARIA CANTIENI

13 / 13

Legenda: Biera duess esser qua avunda per la festa La bieraria Monstein dat ora biera libra quella saira. RTR/GIANA MARIA CANTIENI

Ils 11 da favrer ha la skiunza da 29 onns fatg la cursa da sia vita a Courchevel/Méribel. Ella è l'emprima Grischuna insumma che gudogna il titel da campiunessa mundiala en la cursa rapida. Suenter la sensaziun èn il club da fans, la fracziun Monstein, la vischnanca da Tavau, Monstein Bier, Pro Monstein e natiralmain il club da skis Rinerhorn sa radunads per organisar ina gronda festa da bainvegni per Jasmine Flury.