Siglir tar il cuntegn

Header

cuntegn

Facit positiv Dapli disciplina en il Welschdörfli a Cuira

La Polizia da la citad da Cuira fa ina bilantscha positiva da la situaziun en il Welschdörfli a Cuira da la fin d'emna passada. Els hajan constatà considerablamain pli pauca glieud en sortida ed er la disciplina saja stada meglra.

Dapli preschientscha da polizia en civil ed unifurma ed ina campagna da sensibilisaziun tar la populaziun ed ils manaders da clubs e bars han procurà, ch'igl ha dà pli pauca truscha la davosa fin d'emna en il Welschdörfli a Cuira.

Er ils appels da las autoritads a la populaziun hajan probabel contribuì a dapli disciplina. Uschia fa il vice-cumandant da la Polizia da la citad Roland Hemmi bilantscha da la fin d'emna passada. Purtrets d'in Welschdörfli fullanà sco anc avant bun in'emna haja quella giada betg dà.

«Meglierament tar il contact tracing»

Areguard il contact tracing haja la citad anc ina giada avisà ils manaders da bars e clubs sin lur obligaziun. Il venderdi hajan els er anc fatg controllas en quest connex e constatà mancanzas cun registrà l'identitad dals giasts. La sonda haja quai dentant gia vesì or meglier tar ils locals.

Uschia cuntinuescha la citad da Cuira vinavant cun quest reschim da sensibilisar, uschè ditg ch'i dat naginas autras decisiuns davart dal chantun. Lez è numnadamain quel ch'ha la cumpetenza da decider novas mesiras, sche neccessari.

RTR novitads 12:00

Artitgels legids il pli savens

Scrollar a sanestra Scrollar a dretga