Siglir tar il cuntegn

Header

audio
Pitschen ma prezius è la fiera d'advent a Cuira – la reportascha
Or da Actualitad dals 01.12.2020.
laschar ir. Durada: 03:54 minutas.
cuntegn

Fiera da Nadal Christkindlimarkt a Cuira tenor la devisa «pitschen ma prezius»

Sut il motto «pitschen ma prezius» ha il Christkindlimarkt a Cuira er lieu quest onn. Questa giada ha la fiera però be lieu cun 12 stans da vendita empè da enturn 40. Era dal program accumpagnant ha il comité d'organisaziun stuì desister.

Fiera da Nadal sut l'ensaina da corona

Il comité d'organisaziun ha tuttina vulì pussibilitar als visitaders l'usitada atmosfera da Nadal. Cler che quai n'è betg stà uschè simpel cun la situaziun actuala. Per che quai saja tuttina pussaivel ston ils visitaders sa tegnair vi da las mesiras da segirtad. Vul dir: tegnair distanzas da 1,5 meters nua ch'igl è pussaivel e purtar ina mascrina sche quai n'è betg pussaivel.

Per ch'ins sappia er giudair insatge da mangiar u in vin chaud ston ils visitaders seser durant la consumaziun. Ultra da quai pon ins quest onn er empustar il vin chaud a chasa.

Il Christkindlimarkt ha cumenzà ils 27 da november e cuzza enfin ils 23 da december.

RTR actualitad 07:00

Artitgels legids il pli savens

Scrollar a sanestra Scrollar a dretga