Siglir tar il cuntegn

Header

audio
Per expositurs professiunals èsi temps grevs senza fieras
Or da Actualitad dals 01.12.2020.
laschar ir. Durada: 03:32 minutas.
cuntegn

Martgads d'Advent e da Nadal Senza ils martgads hai num tschertgar alternativas

Martin Flepp da Mustér è apicultur professiunal. Dapi plirs onns va el regularmain la fin da l’onn a plirs martgads d’advent e da Nadal. Uschia visita el almain 15 da tals martgads. Il pli bel saja il contact cun la clientella perquai ch'el survegnia in resun direct sin ses products, di Martin Flepp.

Uss ch'ils martgads crodian emprovia el da cumpensar la perdita cun activar ils contacts ch'el haja. Tranter auter vegnia la clientella direct tar el. Plinavant haja el pudì furnir products ad ina chascharia en la Bassa. La fin da l'onn vegnia el però a sentir ch'ils martgads hajan mancà.

El haja era gia ponderà da porscher ses products en l’internet, ma fin uss saja quai stà memia blera lavur per el, ha ditg Martin Flepp.

Stan persul ed atgna stizun

Per Marcus Duff e sia dunna Anna Maria n'èsi betg sulet lavur dad ir als martgads, mabain era ina tscherta passiun. Uschia sajan els gia dapi blers onns a quasi mintga martgà en Surselva ma era a Cuira ed en autras regiuns.

La mentalitad plascha e quai saja probabel era la raschun daco ch’els sajan gia dapi passa 30 onns preschents. Avant in onn e mez, cura ch’els hajan cumenzà a surdar il manaschi puril al figl, hajan els cumenzà cun in stan persul, mintgamai la sonda avantmezdi a Glion a la staziun e glindesdi a Mustér.

Era la stizun cun products regiunals ch’els hajan avert la stad saja per els ina impurtanta entrada. Sche la situaziun senza martgads vegniss en futur realitad, stuessan els però ponderar da vegnir tar in'autra entrada ed occupaziun.

RTR actualitad 07:00

Artitgels legids il pli savens

Scrollar a sanestra Scrollar a dretga