Siglir tar il cuntegn

Header

Portrait da Sarif.
Legenda: Senza il minister d'exteriur iranais – Dschawad Sarif na vegnia betg a'l WEF è vegnì fatg a savair a Teheran. Keystone
cuntegn

Iran Senza Sarif – «viadi n'ha deplorablamain betg lieu»

Pertge ch'il minister da l'exteriur da l'Iran, Dschawad Sarif na vegn betg, n'è betg vegnì communitgà a Teheran. Ses pledader haja detg unicamain ch'il «viadi na vegn deplorablamain betg ad avair lieu», scriva l'agentura da novitads svizra SDA.

Il pledader da Dschawad Sarif ha be annunzià ch'i na saja betg pussibel a Sarif da prender part al WEF – ses plans sajan sa midads. Avant il WEF era vegnì speculà, sch’i savess dar in inscunter tranter il minister da l’exteriur iranais ed il president american Donald Trump.

Dentant ha Trump confermà dad esser da la partida a Tavau.

Il 50avel WEF è quest'emna a Tavau. Spetgads vegnan tranter auters er la chanceliera tudestga Angela Merkel, la scheffa da la cumissiun da l'UE, Ursula von der Leyen e l'activista per il clima svedaisa, Greta Thunberg.

RTR novitads 11:00+