En l’Iran cuntinueschan ils protests cunter la regenza. En duas universitads da Teheran hajan pliras tschient persunas protestà pervi che l’armada ha sajettà giu per sbagl in aviun da l’Ucraina. Quai rapportan medias localas
Ils demonstrants hajan crititgà l’agir da la regenza en quest connex. Plinavant pretendian els ch’ils responsabels sa retirian da lur uffizis. Gia la sonda saira avevi dà protests cunter la regenza. Quai suenter in festa da commemoraziun per las unfrendas da la disgrazia.
Sustegn han ils demonstrants survegnì dal president american, Donald Trump. Quel ha ludà lur curaschi ed als segirà il sustegn dals Stadis Unids da l'America.
RTR novitads 17:00
