Siglir tar il cuntegn

Header

cuntegn

Vendita da vin è sa reducida Chastè Salenegg producescha dischinfectant da vin

Pervi dal coronavirus è la fiera rutta en tar il bain da viticultura chasti Salenegg a Maiavilla. Els vendan 80% damain vin che normalmain durant quest temp. Per almain far in zic frunt, producescha il bain uss in med da dischinfectar mauns.

Ina gronda part da lur clientella deriva da l'Engiadina, declera Helene von Gugelberg dal bain da viticultura chastè Salenegg. E cunquai che la stagiun da skis è ida a fin a moda abrupta, cumprian ils possessurs d'ustarias ed hotels strusch pli vin.

audio
Dischinfectant or da vin da Maiavilla
ord Actualitad dals 06.04.2020.
laschar ir. Durada: 1 minuta 54 Secundas.

Vegnir innovativ e producir med da dischinfectar

Per tuttina anc far in zic fatschenta durant la crisa, producescha il manaschi da Helene von Gugelberg uss in med da dischinfectar. Actualmain fetschian els radund 90 liters dischinfectant mintga di. Vegnida sin l'idea d'empruvar ora insatge nov è la viticultura entras ina emissiun al radio. Uschia produceschian els il med tenor il recept da l'Organisaziun mundiala da sanadad (WHO).

Entras la fatschenta cun il med da dischinfectar ils mauns spera la patruna dal bain da viticultura da pudair pajar quints currents. Nagin problem dettia da pajar las pajas. Là sajan els segirads.

RTR actualitad 17:00

Artitgels legids il pli savens